Tvenn brautarmet í Vestmannaeyjahlaupinu

Hlynur Andrésson og Helga Guðný Elíasdóttir sigruðu í 5 km. í Vestmannaeyjahlaupinu sem fram fór á laugardaginn.

Bæði settu þau brautarmet, Hlynur á tímanum 15:31 og Helga Guðný fór hringinn á 19:49. Þórólfur Ingi Þórsson sigraði í 10 km. karla á 34:51 og er það í þriðja sinn sem hann sigrar í hlaupinu. Hann vann 2022 og í fyrsta skipti þegar það var haldið árið 2011. Íris Dóra Snorradóttir kom fyrst kvenna í mark á 40:03.

Alls luku 108 keppendur keppni. Meðal þeirra voru bestu hlauparar landsins s.s. eyjamaðurinn Hlynur Andrésson sem nýlega sigraði í 10 km. Reykjavíkurmaraþoni. Hann á nú brautarmet bæði í 5 og 10 km. í Vestmannaeyjahlaupinu. Þá var áhugavert að sjá hve margir ungir hlauparar tóku þátt og luku keppni á góðum tímum. Spennandi verður að fylgjast með þeim á næstu árum. 

Eyjaskokk þakkar Íslandsbanka, þeim fyrirtækjum sem styrktu viðburðinn og öllum þeim sem lögðu hönd á plóg.

Hér eru þrír efstu í hverjum flokki:

5 .km karla

Hlynur Andrésson 15:31

Daníel Snær Eyþórsson 18:15

Jón Orri Jónsson 19:58

5 km. kvenna

Helga Guðný Elíasdóttir 19:49

Mari Jarsk  21:32

Eva Skarpaas 23:17

10 km. karla

Þórólfur Ingi Þórsson 34:51

Sigurjón Ernir Sturluson 35:05

Hannes Johannsson 36:07

10 km. kvenna

Íris Dóra Snorradóttir 40:03

Fríða Rún Þórðardóttir 40:54

Magnea Jóhannsdóttir 50:17